Балбак Түлөбаев дүйнө чемпионун өзүнө жардамчы кылып алды
Ысык-Көл областындагы жаңы дайындалган өкмөттүн ыйгарым укуктуу өкүлү Балбак Түлөбаев, жекем-жеке беттешүнүн ар кандай түрлөрү боюнча мелдештеринин катышуучусун жардамчы кылып кызматка алды. Бул тууралуу ал өзүнүн Facebook баракчасына маалымдады.
Белгиленгендей, 2019-жылы кикбоксинг боюнча дүйнө чемпиондугуна ээ болгон Дастан Шаршеев Балбак Түлөбаевдин расмий түрдө жардамчысы болуп жумушка орношту.
«Урматту калайык, Дастан Шаршеев деген жигитти кызматчы кылып алдым. Эми элине кызмат кылсын», — деп жазган ал, фейсбку баракчасында.
Дастан Шаршеев 1990-жылы Ысык-Көл областынын Бөкөнбаев айылында туулган. Ал көп жылдар бою Россияда жашап, жекеме-жеке кармаштын ар кандай түрлөрү боюнча мелдештерге катышкан. Профессионалдык кикбоксинг боюнча өткөн 26 мушташта 20 жеңишке жетишкен.
Эске сала кетсек, Бишкек шаарынын мэриясынын мурдагы аппарат башчысы Балбак Түлөбаев өкмөттүн Ысык-Көл областындагы ыйгарым укуктуу өкүлү болуп дайындалгандыгына байланыштуу кызмат ордун бошоткон.
