Түштүк Кореянын чалгыны: Ким Чен Ын бийлигин карындашы менен бөлүшүп жатат
Түндүк Кореянын лидери Ким Чен Ын өз бийлигинин бир бөлүгүн карындашы Ким Ё Чжон менен бөлүштү, деп бышыктап жатат Түштүк Кореянын чалгыны. Бул туурасында 20-августта ВВС News Орус кызматы билдирди.
Бүткүл бийлик Ким Чен Ындын колунда калат. Бирок, мамлекеттик саясаттын кээ бир аспектерине анын жакындары жооп беришет – Түндүк Корея лидеринин стрессинин деңгээлин төмөндөтүү үчүн, деп эсептейт чалгындоо.
«Бийлик бүтүндөй бойдон мурдагысындай эле КЭДРдин лидеринин колунда, бирок кичинеден башкалар менен бөлүшүлүп жатат», — деп тыянакташты алар.
Мурда Түштүк Кореянын чалгыны Түндүк Корея маселесине келгенде далай ирээт жаңылган.
Ким Ё Чжон Пхеньяндын АКШ менен Түштүк Кореяга карата саясатына жооп берет, ошондой эле иш жүзүндө ал КЭДРдин саясий түзүлүшүндө экинчи киши болуп калат.
