Кыргызстанда өткөн жылы кайсыл кылмыштуулук күч алган. Статистика

2019-жылы Кыргызстанда 41 622 кылмыш, 22 211 жорук катталган. Бул тууралуу Улуттук статистика комитетинен билдиришти.

Кылмыштар тууралуу сөз кыла турган болсок, өлкөдө эң көп жасалган кылмыштын түрү — уурулук. Тагыраагы, 15 132 жолу уурулук фактысы катталган.

Сандар менен карай келгенде төмөнкүчө болгон:

• алдамчылык — 7 247 жолу;
• бейбаштык — 3 349
• тоноо — 1 821;
• баңги затын мыйзамсыз жүгүртүү — 999;
• жол эрежелерин бузуу — 562;
• каракчылык менен кол салуу — 204 жолу жасалган.

Ал эми башка оор кылмыштар 12 308 жолу катталган. Бирок мунун ичинен канчасы кандай мыйзам бузуу экени айтылган жок.