Коронавирус. Жуктургандар Бишкекте көп катталып, 4 бейтап каза тапты
Кыргызстанда өткөн суткада дагы 556 кишиден коронавирус аныкталды. 287 кишинин оорудан сакайып кеткени белгилүү болду. Ошол эле учурда 4 бейтап каза болду. Бул тууралуу Республикалык штабдан кабарлашты.
Жуктургандар:
- Бишкек шаары – 149;
- Ош шаары – 34;
- Чүй облусу – 67;
- Ош облусу – 75;
- Талас облусу – 23;
- Нарын облусу – 4;
- Ысык-Көл облусу – 35;
- Жалал-Абад облусу – 83;
- Баткен облусу – 86.
Жалпысынан алганда 55 144 кишинин коронавирус жуктуруп алганы аныкталды. Анын ичинен 47 337 бейтап айыгып чыкты.
Азыркы тапта 3 300 киши стационарда, ал эми 2 871 бейтап амбулатордук шартта дарыланууда.
Бир сутка ичинде Кыргызстанда Бишкекте, Чүйдө жана Ысык-Көлдө бирден медик коронавирус жуктуруп алганы айтылды.
Ал эми кечээтен бери стационардан үч, үй карантининен 10 медкызматкер айыгып чыккан.
COVID-19 илдетинен жана пневмониядан каза болгондордун жаңы учурлары:
- Чүй облусу – 1;
- Бишкек – 1;
- Ош облусу – 1;
- Баткен облусу – 1.
Коронавирус Кыргызстанды каптагандан тарта жалпысынан 1 130 адам көз жумду.
