Балбак Түлөбаев: Элдин саламаттыгы менен ойнобогула, борборду 15 күнгө жабабыз

Бишкек шаарынын мэри Балбак Түлөбаев коронавирустун жайылышына бөгөт коюуу үчүн тойканалар 15 күнгө жабыларын билдирди:

“Коронавирус кооптуу абалга келе жатат. Жалдырасак да, сурансак да болбой атасыңар. Бүт шаарды коркунучка алып келдиңер. Шаарды кайра карантинге жаба албайбыз. Эл кыйналат. Такыр укпаган эме экенсиңер. Тойкана ээлери бул сөз силерге. Элдин ден соолугу менен ойноп атасыңар. 15 күнгө жабабыз. Жакында чечим чыгаралы деп ойлоп жатабыз. Болдугула да эми. Сураныч. Өтүнүч. Элдер бизден талап коюп жатат”,- дейт ал өз сөзүндө.