Окуялар
Бишкекте контейнерден өрт чыгып, бир адам каза болду
Борбор калаанын Ахунбаев жана Токтоналиев көчөлөрүнүн кесилишинде контейнер күйүп, бир адам каза болду. Маалыматты Өзгөчө кырдаалдар министрлиги тастыктады.
Өрт тууралуу маалымат түшөрү менен саат 20:36да бир бригада чыгып кеткен.
Контейнерден чыккан өрт саат 21:10до чектөөгө алынып, саат 22:15те толугу менен өчүрүлгөн.
Кырсыктын кесепетинен бир адам каза болгону айтылды, учурда анын ким экени такталууда.
