Коронавирус жуктургандарды дарылаган ооруканалар. Бош орундардын саны аз (ТИЗМЕ)

Саламаттык сактоо министрлиги коронавирус жуктуруп алгандарды жаткыруу үчүн Бишкектеги бош оруну бар ооруканалардын тизмесин жарыялады.

16-ноябрь саат 8:00гө карата берилген маалыматка ылайык, тогуз ооруканада 99 бош орун бар. Ал эми коронавирус жуктурган бейтаптарды кабыл алган кыргыз-түрк «Достук» ооруканасы менен Улуттук хирургия борборунда азырынча орун жок.

• Улуттук фтизиатрия борбору — 1;
• Улуттук госпиталь — 25;
• Улуттук кардиология жана терапия борбору — 3;
• №1 шаардык клиникалык оорукана — 11;
• Республикалык жугуштуу илдеттер ооруканасы — 9;
• Темир жол ооруканасы — 7;
• Эне жана баланы коргоо улуттук борбору — 25;
• Улуттук онкология жана гематология ооруканасы — 11;
• №2 клиникалык төрөт үйү — 7.

Кыргызстанда коронавирус аныкталган учурлардын саны 66 983кө жетип, анын ичинен 57 760 бейтап ооруну жеңген. Тилекке каршы, дарт 1 203 адамдын өмүрүн алды.