Кыргызстанда орточо айлык акы 18 миң сомду түздү

Быйылкы жылдын 9 айынын жыйынтыгы менен Кыргызстанда орточо айлык акы 17 миң 925 сомду түздү (чакан ишканаларды эсептебегенде). Бул тууралуу Улуттук статистика комитетинен билдиришти.

Ал былтыркыга караганда 9,2%га көп.

Статистика комитети белгилегендей, жарандардын кайсы иште иштегенине жараша орточо маяна 9-36 миң сомду түзөт.

Бюджеттик эмес мекемелерде иштеген кызматкерлердин эмгек акысы 23,6 миң сомду түзүп, бюджеттин эсебинен айлык алып иштегендерге караганда 1,6 эсеге көп болгон.