Коронавирус. Акыркы суткада 293 кишиден аныкталып, дагы эки бейтап каза тапты

Өткөн суткада коронавирус 293 кишиден аныкталды. Ошол эле маалда 407 бейтап ооруну жеңип, айыкты. Бул тууралуу Республикалык штаб кабарлады.

Жуктургандар:

• Бишкек шаары – 121;
• Ош шаары – 4;
• Чүй облусу – 63;
• Ош облусу – 3;
• Талас облусу – 11;
• Нарын облусу – 1;
• Ысык-Көл облусу – 46;
• Жалал-Абад облусу – 30;
• Баткен облусу – 12.

Ушуну менен өлкө боюнча коронавирус жуктургандардын жалпы саны 75 395ке жетип, анын ичинен 67 400ү ооруну жеңди.

Ал эми каза болгондор тууралуу айтсак, өткөн суткада эки кыргызстандык COVID-19 илдетин жеңе алган жок. Бири Бишкек шаарынын, экинчиси Чүй облусунун тургуну болчу.

Пандемия башталгандан бери коронавирустан көз жумгандардын саны өлкө боюнча 1 297 болду.

Стационардагы дарыланууда 2 520 бейтап бар. Алардын ичинен:

• 32 — канааттандырарлык абалда;
• 1 751 — орто оордукта;
• 626 — оор абалда;
• 111 — өтө оор абалда.