УКМК Жалил Атамбаевдин уулунун тоюн иликтөөнү баштады
УКМКнын тапшырмасы менен 2020-жылдын 12-декабрында Ош шаарындагы ресторандардын биринде өткөн ишкер Жалил Атамбаевдин уулунун үйлөнүү тою иликтенип жатат. Бул тууралуу УКМКнын басма сөз кызматы билдирди.
COVID-19 илдетине байланыштуу өлкөнүн көпчүлүк аймагында, анын ичинде Бишкек жана Ош шаарларында эпидемилогиялык абалга карата чектөөлөр бар.
Тойго бир топ аттуу-баштуу кишилер чакырылган.
Чектөөлөргө, санитардык-эпдемиялык эрежелерге карабастан жогорудагы үйлөнүү тойго 1000ге чукул адам келгени, анысы аз келгенсип ал жерде Ош шаарынын мэри жана башка аттуу-баштуу мамлекеттик кызматтагылардын жүргөнү коомчулукта талкуу жаратты.
Мында тышкары Жалил Атамбаевдин уулу азыркы тапта УКМКнын кызматкери. Азыркы тапта УКМК кызматтык иликтөө жүргүзүүдө. Териштирүүнүн жыйынтыгына жараша ага кандай чара көрүлөрү билинет.
