Таласта баңгизат сактоого шектелген адам кармалды

9-декабрь күнү Талас облусунда баңгизат сактоого шектелген адам кармалды. Бул тууралуу Талас ОИИБден кабарлашты.

Маалыматка караганда, Манас РИИБдин кызматкерлери тарабынан Покровка айылынын 59 жаштагы тургуну текшерилген. Анын жанынан 1080 гр салмактагы кочкул жашыл түстөгү зат табылган. Азыркы учурда бул факт боюнча тиешелүү экспертизалар дайындалып, териштирүү иштери жүрүп жатат.