Коом
Таласта унаа өрттөнүп бир адам каза болду
Талас шаарынын Байгабылов көчөсүндө Chevrolet Lanos үлгүсүндөгү унаа өрттөнүп, бир адам каза болду. Бул тууралуу ӨКМден кабарлашты.
Маалыматта айтылгандай, кырсык кечээ, 20-декабрь күнү, саат 16:28дер чамасында болгон.
«Автоунаанын мотору жана жүк салган бөлүгү күйгөн. Өрттүн кесепетинен автоунаанын 44 жаштагы ээси түтүнгө ууланып каза болгон», — деп жазылат маалыматта.
Учурда өрттүн келип чыгуу себеби такталып жатканы белгиленди.
