Президенттик шайлоо: 23 өлкөдөн байкоочу катталды

Борбордук шайлоо комиссиясы бүгүн, 21-декабрда чет өлкөлүк 42 байкоочуну каттады. Алар 2021-жылдын 10-январына белгиленген мөөнөтүнөн мурда өтүүчү президенттик шайлоонун жүрүшүнө көз салышат.

Бүгүнкү күнгө карата жалпы 23 өлкөдөн 120 байкоочу катталган.

Алар төмөнкүлөр:

• Кыргызстандагы Ханнс Зайдель фондунун өкүлчүлүгү – 1 байкоочу;
• Шайлоо системаларынын эл аралык өкүлчүлүгү (IFES) – 1 байкоочу;
• Молдова БШКсы – 2 байкоочу;
• КМШ Парламенттер аралык ассамблеясы – 34 байкоочу;
• КМШ миссиясы – 4 байкоочу;
• Азербайжан БШКсы – 1 байкоочу;
• ЕККУнун Демократиялык институт жана адам укуктары бюросу – 34;
• Россия БШКсы – 1;
• К. Аденауэр атындагы фонд – 1;
• Кыргызстандагы Япониянын элчилиги – 2;
• Кыргызстандагы Россиянын элчилиги – 2;
• Кыргызстандагы Монголиянын элчилиги – 1;
• Кыргызстандагы Азербайжандын элчилиги – 2;
• Кыргызстандагы Өзбекстандын элчилиги – 2
• Түрк тилдүү өлкөлөрдүн кызматташтык кеңешинен – 6.

Кыргызстандын президентин мөөнөтүнөн мурда шайлоо 2021-жылдын 10-январында өтөт. Бул жарышка 18 талапкер аттанды. Ага кошуп мамлекеттин башкаруу формасын аныктоо боюнча да референдум дайындалган. Кыргызстандыктар бул күнү өлкө президенттик же парламенттик башкарууга өтүшү керектигин аныктайт.