Президенттикке талапкерлердин дебатынын 2-турунда ким-ким менен чыгат. График

Президенттикке талапкерлердин КТРКдагы теледебатынын экинчи туру 6-январда башталат. Бул тууралуу Борбордук шайлоо комиссиясынын (БШК) бекиткен графигинде көрсөтүлгөн.

Алгач 18 талапкер чүчү кулак ыкмасы менен теледебаттардын ар бир күнүнө алтыдан бөлүнгөн. Ага ылайык экинчи тур 6, 7, 8-январь күндөрү саат 20:00дө түз эфирден көрсөтүлөт.

Ал ортодо Рашид Тагаев жарышка катышуудан баш тартып, 7-январда бешөө чыкмай болду.

Теледебаттардын графиги:

6-январь (шаршемби):

• Садыр Жапаров;
• Адахан Мадумаров;
• Канатбек Исаев;
• Курсан Асанов;
• Элдар Абакиров;
• Аймен Касенов.

7-январь (бейшемби):

• Клара Сооронкулова;
• Абдил Сегизбаев;
• Арстанбек Абдылдаев;
• Равшан Жээнбеков;
• Каныбек Иманалиев.

8-январь (жума):

• Улукбек Кочкоров;
• Бабыржан Төлбаев;
• Бактыбек Калмаматов;
• Жеңишбек Байгуттиев;
• Имамидин Ташов;
• Мыктыбек Арстанбек.

Кыргызстандын мамлекет башчысын шайлоо 10-январда өтөт. Үгүт иштери 15-декабрдан 9-январга (саат 8.00) чейин уланат.