Ышка байланыштуу Бишкек ЖЭБинин жооптуу адамдарына кылмыш иши козголду

Экономикалык кылмыштарга каршы күрөшүү боюнча мамлекеттик кызматы (Финансы полициясы) атмосфералык абага булгоочу заттардын чыгышынын себептерин аныктоо фактысы боюнча Бишкек шаарындагы Жылуулук электр борборунун жооптуу адамдарына карата сотко чейинки өндүрүштү баштады. Бул тууралуу аталган кызматтын басма сөз кызматы билдирди.

Маалыматка караганда, бул факт КР Жазык кодексинин 233-беренесинде (коммерциялык же башка уюмда ыйгарым укуктарын кыянаттык менен пайдалануу) каралган кылмыш белгилери боюнча Кылмыштардын жана жоруктардын бирдиктүү реестрине катталды.