Экс-президент Сооронбай Жээнбеков добуш берди

Мурдагы өлкө башчы Сооронбай Жээнбеков президентти шайлоодо жана өлкөнүн башкаруу формасын аныктоо референдумунда добушун берди.

Анын добуш берген имараттан чыгып бараткан видеосу Reporter.kg маалымат агенттиги тартып алган.

Жээнбековду журналист кепке тартууга аракет кылган, бирок экс-президент суроолорго «кийин жооп берем» деп басып кеткен.

Сооронбай Жээнбеков өлкөнү үч жыл башкарды. Былтыр саясий окуялардан улам отставкага кеткен.