Милициянын кайгуул кызматкерлери бычак менен коркуткан жаранды кармады

2021-жылдын 10-январында болжол менен саат 21:00 чамасында Бишкек ШИИББнын “102” кызматына Алтымышов көчөсүнөн балдар уруп жатат деген маалымат келип түшкөн. Бул тууралуу Милициянын кайгуул кызматынын басма-сөз кызматы билдирди.

Маалыматка караганда, айтылган дарекке ошол замат Бишкек ШИИББгы боюнча Милициянын кайгуул кызматкерлери келип, маалыматты тактаганда 1992-жылы туулган А.М аттуу жаран арыз менен кайрылган. Анда ошол эле даректен болжол менен саат 20:50 чамасында белгисиз эки жаран арыз ээсин уруп, денесине зыян жеткирген. Ошол эле убакта бычак менен коркутушкан.
Жазылган арыздын негизинде милициянын кайгуул кызматкерлери ошол замат чечим кабыл алып, ыкчам кармоо иш-чараларын уюштуруп, кылмыш изи сууй электе кылмышка шектүү катары 1984-жылы туулган Т.А жана 1985-жылы туулган Т.М. аттуу жарандарды кармашып, Ленин райондук ИИБнын Тергөө кызматына өткөрүшүп беришкен.
Бул факты Ленин райондук ИИБгы тарабынан Кылмыштардын жана жоруктардын бирдиктүү реестрине катталып, тергөө иштери жүрүүдө.