Кара-Кече көмүр кенинде өрт чыкты

Нарын облусундагы Кара-Кече көмүр ишканасынын аймагында контейнерден өрт чыкты. Бул тууралуу Өзгөчө кырдаалдар министрлигинин басма сөз кызматы билдирди.

Маалыматка ылайык, өрттү өчүрүүгө саат 08:20да бир бөлүм тартылган. Контейнерден чыккан өрт саат 10:05те чектөөгө алынган.

Учурда өрттү толук өчүрүү иштери жүрүп жатат. Кошумча маалымат берилет.