“Акыркы көч” тасмасы Бангладеште өткөн эл аралык кинофестивалда баш байгени жеңип алды

Режиссёрлор Бакыт Мукул жана Дастан Жапар уулунун “Акыркы көч” (The Road to Eden) тасмасы Бангладеш өлкөсүнүн Дакка шаарында өткөрүлгөн эл аралык кинофестивалда баш байгени жеңип алды. Бул тууралуу режиссёр Дастан Жапар уулу фейсбуктагы баракчасынан сүйүнчүлөп, тасманын жаратуучуларына ыраазычылыгын билдирди. Аталган тасма “Эң мыкты тасма” сыйлыгын утуп алды.

Эске салсак буга чейин аты аталган 2 режиссёр биргеликте “Атанын керээзи” тасмасын тартып, ал дагы бир топ эл аралык киносыйлыктарга ээ болгон.