ВИДЕО: Бишкектин Түштүк Магистралында унаасын ойноктоткон айдоочу милициянын кайгуул кызматкерлеринен качты

Социалдык тармактарда 12 кичи районунда А.Токонбаев чоң көчөсүндө авто ээнбаштык кылып, кайгуул кызматкерлери барган учурда токтобой качып кеткен Мерседес Бенц үлгүсүндөгү авто унаанын видеосу тараган.

Бул авто унааны Милициянын кайгуул кызматкерлери издеп таап, Кыргыз республикасынын бузуулар жөнүндө кодексинин 123-1 берененин 3-бөлүмү, 124- берене, жана 122-1 беренелери боюнча 3 протокол толтурулуп, авто ээнбаштык кылганы үчүн, каршы тилкеге чыккандыгы үчүн, жана кызматкерлерге баш ийбегендиги үчүн, жалпысынан 18500 сом өлчөмүндө айып салынды.

Ошондой эле мындай одоно жол эрежелерин бузбоо тууралуу түшүндүрүү иштери жүргүзүлдү.

Милициянын кайгуул кызматынын басма сөз кызматы