Кыргызстан “Спутник V” вакцинасын каттоого алды

Россиянын “Спутник V” вакцинасы Кыргызстанда коронавируска каршы каражат катары катталды. Бул тууралуу Кыргызстандын саламаттык сактоо жана социалдык өнүктүрүү министрлигинин басма сөз кызматынан билдирди.

Маалыматка ылайык, Дары-дармек жана медициналык жабдуулар департаменти “Спутник V” вакцинасын коронавируска каршы каражат катары каттады.

«Вакцинанын катталышы – коронавирус инфекциясынын алдын алуу үчүн эмдөө жүргүзүүнү тездетет. Коронавируска каршы эмдөө элдин каалоосу менен жүргүзүлөт»-деп билдирди Саламаттык сактоо жана социалдык өнүктүрүү министри Алымкадыр Бейшеналиев.