Коронавирус. 57 адамдан аныкталып, бир бейтап каза тапты

Кыргызстанда акыркы суткада 57 адамдан коронавирус аныкталып, бир киши көз жумду. Бул тууралуу Республикалык штаб кабарлады.

Акыркы суткада COVID-19 U07.1 жана U07.2 катталган жаңы учурлар:

Бишкек — 24;
Чүй облусу — 22;
Ош облусу — 1;
Талас облусу — 1;
Нарын облусу — 2;
Ысык-Көл облусу — 6;
Жалал-Абад облусу — 1.
Былтыр жаздан бери Кыргызстанда 86 308 кишиден коронавирус чыкты.

Тилекке каршы, өткөн суткада COVID-19дан Бишкекте бир адам көз жумду. Коронавирус пандемиясы 1 467 кыргызстандыктын өмүрүн алды.

Учурда стационарда 353 бейтап дарыланууда. Анын ичинен эки адамдын абалы канааттандырарлык, 242си орточо, 92си оор, 17си өтө оор абалда. Амбулатордук дарыланууда 280 бейтап бар.