Өзгөндө унаа мечитке барып сүзүлүп, кырсыктан бир киши каза болду

1-мартта Өзгөндө Тойота Эстима унаасы катуу ылдамдыкта бетон тосмону сүзүп кирип, мечиттин имаратына сүзүлгөн. Кырсыктан бир киши өлүп, дагы жетөө жабыркаган.

Жүргүнчүлөрдүн бири каза болду. Каза болгон жаран Ноокат районунун тургуну Т.Ж.уулу болуп чыкты.

Ош облусунун Жол кайгуул кызматы кырсыктын чоо-жайы жөнүндө айтып берди:

«Кырсык Өзгөн шаарынын Бишкек-Ош эл аралык жолунун 264-чакырымында, Мирзарахимов көчөсүндө болгон», — деп билдиришти башкармалыктан. — Наркологиялык экспертизанын жыйынтыгында, Тойотанын айдоочусу кырсык болгон учурда мас эмес абалда болгон. Тергөө кырсыктын себептерин аныктайт.