Коронавирус. 41 адамдан аныкталып, эки бейтап каза тапты

Өткөн суткада өлкөдө 41 адам коронавирус жуктуруп, 49 бейтап айыкты. Ошол эле учурда эки адам акка моюн сунду. Бул тууралуу Республикалык штаб кабарлады.

Жуктургандар:

Бишкек – 17;
Ош – 1;
Чүй облусу – 9;
Нарын облусу – 2;
Ысык-Көл облусу – 7;
Жалал-Абад облусу – 3;
Баткен облусу – 2.
Ушуну менен өлкөдө жалпы 86 451 адамдан коронавирус аныкталды.

Тилекке каршы, өткөн суткада коронавирустан эки адам акка моюн сунган. Муну менен оорудан каза тапкандардын саны 1 470ке жетти.

Учурда өлкөдөгү стационарларда 359 бейтап дарыланууда. Анын ичинен 93 бейтаптын абалы оор болсо, 17синики өтө оор деп бааланды. Бир сутка ичинде Бишкекте бир медиктен коронавирус аныкталган.