Бүгүн премьер-министр Улукбек Марипов коронавируска каршы эмделиши мүмкүн

Бүгүн Кыргызстандын премьер-министри коронавируска каршы эмделиши мүмкүн. Бул тууралуу «Биринчи радиодогу» түз эфирде саламаттык сактоо жана социалдык өнүктүрүү министри Алымкадыр Бейшеналиев билдирди.

Анын айтымында, премьер-министр Улукбек Марипов бүгүн антителага тест тапшырат. «Эгерде анын жыйынтыгы терс чыкса, мүмкүн бүгүн ал коронавирустук инфекциядан эмдөөдөн өтөт», — деп кошумчалады Бейшеналиев.