Садыр Жапаров өзүнүн жана Ташиевдин уулунун Баткенде жүргөн сүрөттөрү боюнча айтты

Президент Садыр Жапаров “Кабар” агенттигине берген маегинде өзүнүн жана УКМК төрагасы Камчыбек Ташиевдин уулунун Баткенде жүргөн сүрөттөрү боюнча айтып берди.

“Рустам менен Тай-Мурас пиар кылгыдай, бийликке жетпей жүргөндөрдөн эмес, эптеп элге көрүнө калып, эртең депутат же президенттикти алалы дегидей. Жөн гана: “Силердин карапайым балдардан эмнеңер кем? Баргыла, алдыда жүргүлө. Аскерлердин кем-карчы болсо, так маалыматты бизге жеткирип тургула”, — деп биз өзүбүз жибердик. Барышты, колдорунан келген жардамдарын берип жүрүшөт”, — деди Жапаров.