Катарда Дүйнө чемпиондугу учурунда Месси жашаган бөлмө музей болот

Катар университети футбол боюнча Дүйнө чемпиондугу учурунда Аргентина курама командасынын лидери Лионель Месси жашаган студенттик кампустун бөлмөлөрүнүн бирин музей кылууну чечти. Бул тууралуу RMC Sport кабарлады.

Аргентина курама командасы турнирдеги 29 күн университеттин кампусунда жашаган. Мессинин номери кандай болсо, ошол бойдон сакталат. Бөлмөдө өзгөчө деле эч нерсе жок. Эки керебет, иш стол, дөңгөлөгү бар отургуч, сыналгы жана сары жаздыкчасы бар диван коюлган.