Судандан 6 Кыргыз жараны өлкөгө алып келинди

Суданда уланып жаткан согуштук аракеттерден улам Тышкы иштер министрлиги, Сауд Арабиядагы элчилик жана Орусиянын Хартум шаарындагы Дипломатиялык өкүлчүлүгүнүн биргелешкен аракеттеринин натыйжасында, 2-майда Судандан Хартум-Москва каттамы боюнча 6 Кыргыз жараны эвакуацияланды. Бул тууралуу ТИМден билдиришти. 

3-майда Кыргыз Республикасынын элчилиги Кыргыз жарандарын аэропорттон узатууга жана Москва-Бишкек каттамы боюнча учууга катталууга көмөк көрсөткөн.