Ырчы Айгерим Расул кызы социалдык тармактардагы баракчасына жолборс, дракон менен сүрөткө түшүп күйөрмандарын бир чети кубандырса, бир чети таң калтырып жатат.
Ал эми ырчы айым жолборс менен түшкөн сүрөттөр монтаж эмес экенин айтып, видео менен бөлүшкөн. «Ооба бул тирүү жолборс. Бул цирктеги жаныбар эмес, жеке бир кишинин чакан зоо паркында ээн-эркин жургөн жолборс. Ар бир ишимди жүрөгүм менен берилип жасагандыктан, жаныбарлар дагы аны сезеби айтор ар дайым алар менен бат тил табышам. Чындыгында коркунуч сезим болбойт. Кичине үшүгөнүм эле болбосо калганы сонун болду»,— деп жазган ал.
