Төрөт үйүндө жерге түшүп кеткен ымыркай чуусу

Саламаттык сактоо министрлиги буга байланыштуу башкы дарыгердин орун басарына, нөөмөттө турган дарыгер менен 2 акушерге жана медайымга сөгүш жарыялаганын билдирди.  

“Азыр баарына сөгүш бердик, эгерде дагы ушундай көрүнүш катталса, катуу чара көрөбүз. Учурда баланын абалы жакшы. Бардык балдардай эле эмчек эмип жатат”, — деди өлкөнүн башкы акушер-гинекологу Раиса Асылбашева.  

Эске салсак, 26-июнда Бишкектеги төрөт үйлөрүнүн биринде келин төрөт учурунда жалгыз калып, ымыркай колунан тайып жерге түшүп кеткенин кабарланган.