Калмак-Ашууда калган жүк ташуучу унаанын айдоочусу изделип жатат

Калмак-Ашууда калган жүк ташуучу унаанын айдоочусу изделип жатат. Бул тууралуу Өзгөчө кырдаалдар министрлигинен маалымдашты.

Такталган маалымат боюнча ал Белоруссиянын жараны. 19-сентябрь күнү Нарын облусунун Кочкор районунда Бишкек-Нарын-Торугарт унаа жолунун болжол менен 275-чакырымында (Калмак-Ашуу ашуусу) “МАН” үлгүсүндөгү жүк ташуучу унаа ашуудан чыга албай, жолду тосуп калгандыгы тууралуу маалымат түшкөн. Саат 23:15те ыкчам түрдө жерине Өзгөчө кырдаалдар министрлигинин Кочкор райондук №42 ӨКБдан 3 куткаруучу тартылган.

Бирок куткаруучулар жерине жеткен учурда токтоп турган унаанын айдоочусу жок болуп чыккан. Учурда куткаруучулар издөө ишин жүргүзүүдө.