Эмгек мигранттарынын туугандарынын колунда калган балдары: мектепте барбагандары да бар

Эмгек, социалдык камсыздоо жана миграция министрлиги 2024-жылдын биринчи кварталында текшерүүдөн кийин 84 миң 542 баланын ата-энеси учурда миграцияда жүргөнү аныкталганын билдирди.

Ал балдардын 42 миң 648и туугандарынын колунда эч кандай тиешелүү каттоосу жок жүрүшөт. Мындан улам туугандар ал балдардын аркы жашоосуна жоопкерчилик албайт.

Министрлик маалымдагандай, эмгек мигранттарынын балдары психологиялык эмоционалдык кыйынчылыкка кез келет, бул ата-эненин сүйүүсү, мээрими, камкордугу жетишпегендиктен болот. Эмгек мигранттарынын арасында билим берүү мекемелерине барбаган, медициналык жардам албагандар да бар. Мындай балдарга психологиялык колдоо жана жардам керек.