“Баткен облусуна жеңилдетилген каржылоо — 2” долбоорунун алкагында 276,5 млн сом бөлүндү

Баткен облусун өнүктүрүү жана калкына мамлекеттик колдоо көрсөтүү максатында, Кыргыз Республикасынын Министрлер Кабинетинин 2023-жылдын 28-августунда №508-тескемеси чыгып, анда “Баткен облусун жеңилдетилген каржылоо-2” долбоору бекитилген.

Бул тууралуу Каржы министрлигинен билдиришти.

Долбоорду ишке ашырууга республиканын 2 коммерциялык банкы катышууда. Аларды кредиттөөнүн көлөмү 350,0 млн сомду түзүүдө.

2023-жылдын 23-ноябрына карата Долбоордун алкагында Баткен облусунун 315 ишкердик субъекттерине 276,5 млн сом суммасында жеңилдетилген насыя берилди.