Ысык-Көлдө жаратылышты коргоо түзүмдөрүнө кызматтык унаалар берилди

Ысык-Көл облусунун Чолпон-Ата шаарында жаратылыш ресурстары, экология жана техникалык көзөмөл министри Акыл Токтобаев министрликтин түзүмдүк бөлүмдөрүнө жана жаратылышты коргоо кызматтарына жаңы унааларды тапшырды.

Салтанаттуу иш-чаранын алкагында экологиялык кызматтарга JAC маркасындагы 15 унаа өткөрүлүп берилди.

Унаалар төмөнкүдөй тартипте бөлүштүрүлдү:

• Экологиялык жана техникалык көзөмөл кызматына — 7;
• Бишкек шаарына — 1;
• Чүй облусуна -1;
• Нарын облусуна — 1;
• Талас облусуна — 1;
• Ош облусуна — 1;
• Ысык-Көл облусуна — 1;
• Жалал-Абад облусуна — 1;
• «Сарычат-Ээрташ» мамлекеттик жаратылыш коругуна — 1.