Каракол – Эңилчек жолуна кар көчкү түшүп, жол убактылуу жабылды

Ысык-Көлдүн Ак-Суу районундагы Каракол – Эңилчек жолуна кар көчкү түшүп, жол убактылуу жабылды. Бул тууралуу Транспорт жана коммуникациялар министрлигинен билдиришти.

Министрлик кабарлагандай, кар көчкү жолдун 82-чакырымына түшкөн. Жабыркагандар жок. Азыркы тапта жолчулар тазалоо иштерин жүргүзүп жатат.

Ошондой эле Каракол – Эңилчек унаа жолунун Чоң-Ашуу ашуусунда катуу бороон болууда.

Министрлик тоолуу аймактар жана ашуулар аркылуу сапарга чыккан айдоочуларды жол эрежесин сактоого чакырат.