Ош шаарында биринчи жолу бөйрөк алмаштыруу операциясы жасалды 

38 жаштагы аялга операцияны Ош мамлекеттик университетинин тажрыбайлуу дарыгери Бексултан Сейитбек уулу жана Россиядан чакыртылган хирург-трансплантолог Игорь Милосердов жетектеген команда жасаган. 

Бейтапка анын бир тууган иниси донор болуп, бир бөйрөгүн берген. Учурда экөөнүн тең абалы туруктуу экени айтылды. 

4 саатка созулган операция ОшМУда алгачкы жолу жасалгандыктан акысыз болгон.