Кара-Көл ГЭСи 22,7 млн кВт/с электр энергиясын өндүрдү

Кара-Көл ГЭСи бүгүнкү күндө штаттык режимде иштеп, өлкөнүн энергетикалык коопсуздугуна салым кошууда. Бул тууралуу Энергетика министрлигинен билдиришти.

Маалыматта айтылгандай, станция ишке киргенден бери жалпысынан 22 млн 702 миң кВт/саат электр энергиясын иштеп чыкты.

Өндүрүштүн динамикасы төмөнкүдөй:

• 2025-жылы: 10 млн 289 миң кВт/саат;
• 2026-жылдын башынан бери 12 млн 413 миң кВт/саат.

Министрлик кайра жаралуучу энергия булактарын өнүктүрүүгө жана чакан ГЭСтерди курууга өзгөчө басым жасоодо.