Анталияда 20 жаштагы кыргызстандык жигит 6-кабаттан кулап түштү

Түркиянын Анталия шаарында 20 жаштагы кыргызстандык Аман аттуу бала үйдүн 6-кабатынан бетондолгон жерге кулап түштү. Бул тууралуу Haberler.com. сайты жазып чыкты.

Маалыматка ылайык, кыргызстандык жигит үйдө достору менен жашаган. Анын кулап түшкөнү видео байкоого түшүп калган.

Окуя болгон жерге барган медкызматкерлер баланы ооруканага жеткиришкен. Анын абалы оор экендиги айтылат.

Полиция кызматы окуянын себебин аныктоодо.