Банкрот болду. «Пирамида» жана «Бешинчи канал» телеканалдары жоюлду

«Пирамида» жана «Бешинчи канал» телеканалдары банкротко учурагандыктан жоюлууда. Бул тууралуу Жогорку Кеңештин Бюджет, экономикалык жана фискалдык саясат боюнча комитетинин жыйынында Маданият, маалымат, спорт жана жаштар саясаты министринин орун басары Чыңгыз Эсенгул уулу билдирди.

Депутат Марлен Маматалиев аталган телеканалдардын карызы кандай болорун сурады.

«Биз аларды жоебуз. Банкрот… Бишкек мэриясы менен “Кыргызалтын” ААКтын телеканалдарынын берүүлөрү токтотулду. Мамлекеттик мүлк фондунун кызматкерлери карыздар боюнча иштеп жатышат», — деп жооп берди министрдин орун басары.