УКМК: “Йакын-Инкар” диний экстремисттик уюмунан баш тартып, элди алданбоого чакырды
2023-жылдын 13-июнунда КР УКМК тарабынан “Йакын-Инкар” ДЭУнун тарапташы, Кара-Кулжа районунун Кеңеш а/а тургуну Ж.у.А. менен профилактикалык сүйлөшүү өткөрүлүп, аталган кыймылдын Кыргыз Республикасынын аймагында ишмердүүлүгүнө сот тарабынан тыюу салынгандыгы жана ага ылайык Кыргыз Республикасынын мыйзамына ылайык жоопкерчилик каралгандыгы түшүндүрүлдү.
Жүргүзүлгөн профилактикалык иш-чаралардын натыйжасында Ж.у.А. өзү тандап алган диний багытынын туура эместигин түшүнүп, экстремисттик идеялардан баш тартып, жарандарды “Йакын-Инкар” уюмунун мүчөлөрүнүн мыйзамсыз чакырыктарына алданбоого чакырды.
Учурда Кыргыз Республикасынын аймагында тыюу салынган диний уюмдардын жана алардын тарапташтарынын ишмердүүлүгүн аныктоо жана бөгөт коюу боюнча иштер улантылууда.
