Кыргызстан менен Өзбекстан биргеликте жеңил унаа чыгарат

Кыргызстан менен Өзбекстан биргелешип айыл чарба техникаларын жана автоунаа чыгарууну пландоодо. Бул тууралуу Кыргызстандын Өзбекстандагы элчиси Муса Жаманбаевдин Өзбекстандын вице-премьер-министри – инвестиция жана тышкы соода министри Жамшид Ходжаев менен болгон жолугушуусунда белгилүү болду, деп билдирет өзбек ведомствосунан.

Маалыматка ылайык, тараптар өнөр жай кооперациясынын жаңы келечектүү биргелешкен долбоорлорун иштеп чыгуу, соода келишимдерин түзүү, эки тараптуу кызматташтык боюнча биргелешкен өкмөттөр аралык комиссиянын 10-отурумун жана Бишкек шаарында эки өлкөнүн аймактарынын башчыларынын катышуусунда бизнес-форум өткөрүү үчүн Өзбекстандын өкмөттүк делегациясынын сапарын уюштурууну талкуулашты.