Бишкектин бир бөлүгүндө суу берүү убактылуу токтотулду

Борбор калаанын бир бөлүгүндө аварияга байланыштуу суу токтотулду.

«Бишкексууканал» муниципалдык ишканасы диаметри 500 мм болгон суу түтүгүндөгү авариялык кырдаалга байланыштуу бүгүн, 7-ноябрда саат 08:00дөн 24:00гө чейин ичүүчү сууну берүү убактылуу токтотуларын билдирет.

Суу токтотула турган аймак төмөнкү көчөлөр менен чектелген:

-Осмонкул көчөсү (Чүй проспектисинен Жибек Жолу проспектисине чейин);

-Москва көчөсү;

-Ибраимов көчөсү;

-Фрунзе көчөсү.

Коммуналдык ишкана убактылуу ыңгайсыздыктар үчүн кечирим сурайт жана көрсөтүлгөн аймактардын жашоочулары менен уюмдарын алдын ала ичүүчү суу камдап алууну суранат.