Бишкектиктер «Ош» базарынын тегерек-четиндеги жолдордун ушундай кенен экендигине таң калып жатат

Кайгуул милициясы менен шаардык кызмат базардын тегерегин тазалап, эл жүргөнгө ылайыктаганга бир топ күчүн жумшады. Мурда береги видеодогу көчөдөн кенен басып өтүү кыйын эле. Жол эрежесинин сакталышы сейрек көрүнүш болчу. 

Ал эми азыр көчө башкача түс алып, кадимкидей кеңейип калды. Буга түштүк тарапка кеткен таксилердин автобекетке которулганы себеп. Бийлик аларды «көчүргөндөн» кийин ээсиз туруп калган автоунааларды алып кетип, асфальтты жууп-тазалап чыкты.

Баса, Кайгуул милициясынын маанайды көтөргөн музыкасына да рахмат.