Киши колдуу болбогон учурда өлүктү союуга каршы мыйзам сунушталды

Мындай мыйзамды депутат Лейла Лурова демилгелеп, коомдук талкууга койду. 

Азыр союу жүргүзбөө үчүн үй-бүлө мүчөлөрүнүн же маркумдун мыйзамдуу өкүлүнүн жазуу жүзүндөгү арызы, болбосо өзүнүн тирүү кезинде калтырып кеткен керээзи зарыл. 

“Адам көз жумгандан кийин жакындары кайгыга батып, кабыргасы кайышып турганда түрдүү бюрократиялык аракеттерди ойлонгусу да, аларга убакыт короткусу да келбей калат. Ошондуктан маркумдун киши колдуу болуп өлгөнүнөн шек саналбаган учурда патологиялык-анатомиялык союу жүргүзбөөгө мүмкүнчүлүк берүү демилгеленди», — деп жазылган негиздемеде.