Уруксатсыз иштеген жеке стоматологиялык клиникалардын ишин токтотуу керек

Бул тууралуу саламаттык сактоо министри Алымкадыр Бейшеналиев билдирди.  

“2021-жылы жеке стоматологиялык клиникаларды текшере баштаганда 837 клиниканын дээрлик жарымынын лицензиясы жок болчу. Бул өз кезегинде калкыбыздын ден соолугуна таасирин тийгизүүдө. Гепатит жана ВИЧ менен ооругандардын саны көбөйүшү мүмкүн”, — деди министр. 

Бүгүн Кыргыз мамлекеттик медициналык академиясында стоматология кызматын өнүктүрүү концепциясы талкууланууда. Анда Бишкекте 2 жана Ошто 1 балдар стоматологиялык клиникасын уюштуруу каралды.