Эми кыргызстандык Asman Airlines авиакомпаниясында ушундай учактар болот

“Эл аралык “Манас” ААКнын жетекчилери 2 учактын Канадада өтүп жаткан модернизациялоо иштери менен таанышып келди. 

Учурда учактарга заманбап кычкылтек системаларын орнотуу, жүргүнчүлөрдүн сыйымдуулугун көбөйтүү жана учактын тышкы келбетин брендге тууралоо иштери жүрүп жатат. 

Asman Airlines — «Эл аралык «Манас» аэропорту» ААКнын туунду компаниясы. Буга чейин канадалык өндүрүштөгү эки Dash-8-400 учагы Кыргызстанга май айында алып келинери айтылган. Ушундай эле дагы эки учак алуу пландалууда.