Ысык-Көл облусунун туристтик милициясы чет өлкөлүк туристтерге сервистик тейлөө көрсөтөт

Ысык-Көл областтык Ички иштер башкармалыгынын туристтик-экологиялык милициясы, кереметтүү аймакка келген чет өлкөлүк туристтер үчүн өзүнүн сервистик кызматын кеңейтүү жөнүндө маалымдайт.

Сервистик тейлөө тажрыйбасын жакшыртууга болгон умтулуунун алкагында, аталган кызматтын кызматкерлери облуска келген бардык туристерине уникалдуу кызматтарды жана колдоолорду сунуштоодо.

Ысык-Көл облусунун туристтик милициясы чет элдик туристтерге сунуш кылган негизги мүмкүнчүлүктөрдүн катарында:

1.            Көп чет тилдүү колдоо: Ысык-Көл ОИИБдин туристтик-экологиялык милициясынын кызматкерлери көп чет  тилдерде, анын ичинде англис, кытай, түрк, орус жана башка көптөгөн тилдерде коммуникацияга жөндөмдүү, бул өзү, көптөгөн өлкөлөрдүн туристтери менен натыйжалуу өз ара аракеттенүүнү камсыз кылууга мүмкүндүк берет.

2.            Жардам жана кеңеш: Биздин тажрыйбалуу милиция кызматкерлери чет өлкөлүк туристтердин облустун аймагында ыӊгайлуу болушуна байланыштуу бардык маселелер боюнча, анын ичинде коопсуздук маселелери, укуктук маселелер жана жаратылышы кооз жерлер боюнча сунуштар боюнча жардам жана кеңеш берүүгө даяр.

3.            Коопсуздук: Туристтик милиция өзгөчө кырдаалдардын алдын алуу ведомстволору жана жергиликтүү укук коргоо органдары менен тыгыз кызматташтыкта иш алып баруу менен биздин облустун аймагында чет элдик туристтердин коопсуздугун камсыз кылат.

4.            Туристтик маалымат: Аталган кызматтын милиция кызматкерлери туристтик жайлар, маданий иш-чаралар, мейманканалар жана облус боюнча саякаттоо багыттары жөнүндө пайдалуу маалыматтарды беришет.

Ысык-Көл ОИИБдин туристтик-экологиялык милициясы чет элдик туристтерди кандайдыр бир маселелер жаралса 0705009102 телефону аркылуу call-борборго кайрылууга жана облустун табигый жаратылышын тайманбастык менен изилдөөгө чакырат.

Биз, туристердин Ысык-Көл областында коопсуз жана унутулгус саякатына кепилдик беребиз.