Казакстандын премьер-министри Кыргызстанга иш сапары менен келди

Казакстандын өкмөт башчысы Олжас Бектенов бүгүн, 18-сентябрда Бишкек шаарында өтүп жаткан Түрк мамлекеттер уюмуна мүчө мамлекеттердин өкмөт башчыларынын жана вице-президенттеринин жолугушуусуна катышуу үчүн Кыргызстанга келди. Бул тууралуу Министрлер кабинетинин маалымат кызматынан билдиришти.

Бектеновду «Манас» эл аралык аэропортунан суу ресурстары, айыл чарба жана кайра иштетүү өнөр жайы министри Бакыт Төрөбаев тосуп алды.

Эскерте кетсек, иш-чара Бишкекте өтүп, уюмга мүчө мамлекеттердин ортосундагы кызматташтыкты бекемдөөгө багытталган.