22-февралга карата аба ырайы

Ишембиде күндүз республика боюнча күн ачык болот. Тоолуу райондордо жолдор тоңуп, тайгак болот. Бул тууралуу Кыргызгидромет билдирди.

Абанын температурасы Чүй менен Талас аймактарында +11…+16, Ош, Жалал-Абад жана Баткен облустарында +12…17, Ысык-Көл өрөөнүндө +3…+8, Нарын жергесинде +1…+6 градуска чейин жылуу болот.

Күндүн табы борбор калаада +13…+15, Ош шаарында +14…+16 градуска чейин көтөрүлөт.