Оштун жаңы мэри таң атпай шаар “тазалаганы” чыкты

Жеңишбек Токторбаев бүгүн күндүн нуру жерге тие электе ишканалардын жетекчилерин чогултуп алып Масалиев көчөсүн кыдырган. Ал кызыл сызыктан чыгып кеткен имараттардын баарын текшерип, мыйзам бузгандарын буздурууну тапшырды. Ошондой эле шаардагы ооруп калган бак-дарактарды алмаштырууну, №6 Макаренко атындагы мектептин ажатканасын жаңылоону талап кылды.